Arangas de Cabrales acueye esti sábadu’l XIV Alcuentru de Música Tradicional
0 comentarios
El pueblu d’Arangas, nel conceyu de Cabrales, cellebra esti sábadu 21 de xineru’l XIV Alcuentru de Música Tradicional. L’eventu va cuntar dende les 11.30h con un pasucais, una misa y una espicha, que va dar pasu a un conciertu a les 23, con música y bailles del país. Nel cartelu infórmase de que cuenten con una carpa por si’l tiempu nun acompaña. Nel alcuentru van participar los músicos Cristina Sánchez, Fernando Valle Roso, Silvia Moreno, Ricardo Balmori, Marta Elola, Cecilia Braña y Sátur Vega. Amás, van actuar los grupos Principado, Perendengue, la Bandina’l Coriu y la Bandina’l Kasañu de Poo.
