Entama’l fin de selmana con cinco cites nes qu’hai charres, presentaciones, conciertos y espectáculos en Cangues d’Onís, Grau, Xixón, Siero y Mieres. El vienres 31, Héctor Braga presenta a les 18h el so ensayu Nel cantu la memoria. Ensayu sobre l’asturianada tradicional na Casa de Cultura de Cangues d’Onís. A les 19.30h, la música tradicional protagoniza dos eventos: 6 Riales va zarrar el festival de cine social MUSOC nel Teatru La Llaboral de Xixón y, mientres, La Flor de Grau va facer la so presentación oficial como asociación de folclore na Capiella los Dolores del conceyu.
L’últimu eventu del vienres ye en Siero con Diañu Blues, a les 20.30h nel Llennon’s Bar. Al otru día, el Conceyu Mieres homenaxea a Teodoro Cuesta con un espectáculu poéticu musical nel que van participar la Bandina L’Arrancaera del Aula de Música Tradicional de la Escuela de Música y un tríu de violín, violonchelo y pianu. L’Auditoriu Teodoro Cuesta va acoyer esta iniciativa a les 19h del primer día de febreru.
Tola programación d’equí a los próximos meses pue vese na Axenda de Musicasturiana.com.
Suscríbite a les nuestres novedaes
