Queda menos d’un mes pa qu’aporte la seronda y, nestos meses de setiembre y ochobre van celebrase dellos eventos en cinco conceyos. Les cites que yá tán confirmaes, amás del FIG Villaviciosa, son l’Alcuentru de Folclor de L’Infiestu el sábadu 7 de setiembre; les IV Xornaes del Vigulín Tradicional (Piloña) ente’l 13 y el 15 de setiembre; les xornaes d’estudiu «El folclor nel Oriente. Pasáu y presente» (Avilés) el 27 y 28 de setiembre; la Folixa de la Sidre del 4 al 6 d’cohobre; l’Ochobre Folk ente’l 11 y el 13 d’cohobre; el FolkAyer (Morea) del 18 al 20 d’ochobre; y la Gala Solidaria Pola Salú Mental (Mieres) el vienres 15 de payares.
La Benéfica de Piloña entama una nueva edición del Alcuentru de Folclor de L’Infiestu, una cita coles músiques tradicionales pa tocar y baillar pelos chigres y cais de L’Infiestu. L’eventu ye’l sábadu 7 de setiembre a la hora del vermú. Esti ye’l cartelu:
La Peruyal celebra’l so 75 Aniversariu colos conciertos de Nando Agüeros, Los Berrones y Dixebra, amás de Carlangas DJ set, el próximu sábadu 14 de setiembre nel Parque de La Concordia de Les Arriondes (Parres). Les entraes yá tan disponibles a un preciu de 15 €.
Per otru llau, l’aula didáutica de cultura popular asturiana de l’Asociación Escontra’l Raigañu (Avilés) propón pa los díes 27 y 28 de setiembre les xornaes d’estudiu «El folclor nel Oriente. Pasáu y presente» nes que va haber conferencies, alderiques, presentaciones de trabayos de campu y talleres de baille y percusión. Esti ye’l cartelu:
El primer fin de selmana d’ochobre, del 4 al 6, Ribeseya acueye, un añu más, la Folixa de la Sidre entamada pola Asociación Cultural Entaína Ribeseya. Esta ye’l cartelu con diseñu de Nieves González:
Una selmana dempués, Mieres celebra la XI edición del Ochobre Folk ente’l vienres 11 y el domingu 13 con una programación qu’inclúi l’alderique «Fronteres naturales, culturales y xeopolítiques. ¿Ónde ta la llende?», actuaciones y alcuentros de bandines, talleres de baille y masterclass de pandereta, actividaes pa la reciella, alcuentros de dellos grupos folclóricos d’Asturies y Cantabria, la so tradicional Nueche en Danza y los conciertos de Pandereteros d’Anguañu y Casapalma (Cantabria). Esti ye’l cartelu cola programación completa:
Ochobre nun apara y, dende’l vienres 18 hasta’l domingu 20, torna’l festival FolkAyer a Morea d’Ayer.
Pa finar, Banksy Astur y l’Asociación Abrazos Verdes entamen una Gala Solidaria Pola Salú Mental nel Auditoriu Teodoro Cuesta de Mieres el vienres 15 de payares a les 19.30h. L’eventu, que va tar presentáu por Arantxa Nieto, va cuntar con representación de la música asturiana de la mano de 6 Riales y Ún de Grao. La entrada cuesta 10 € y la recaudación va destinase a financiar la creación d’un recursu d’atención a persones afectaes por suicidiu. Esti ye’l cartel completu:
Suscríbite a les nuestres novedaes
