Amosando, el ciclu de presentaciones de discos entamáu por musicasturiana.com, remata la edición del 2021 col conciertu/grabación de Caldo y Os Rabizos presentando’l llibru-discu ‘A Música Tradicional del Eo-Navia’ y Toli Morilla amosando los cantares n’asturianu del so nuevu trabayu ‘Canciones Transgénicas para el Mundo Mascota’, amás de facer un repasu pelos temes na llingua autóctona de la so trayectoria. Música tradicional y canción d’autor pa da-y forma al novenu conciertu d’Amosando. La grabación va ser esti domingu 7 de payares nel Toma3 de Xixón y namás van poder asistir les persones con invitación. Hai preferencia d’entraes pa la xente asociao a musicasturiana.com, pero tamién van acutase dalgunes pa quien nun seya sociu/a. Pue escribise a tiendamusicasturiana@gmail.com pa poder acutar una entrada.
Suscríbite a les nuestres novedaes
