Conciertos y baille esti sábadu en Candás en solidaridá con Ucraína
0 comentarios
El grupu de baille tradicional San Félix entama esti sábadu 2 de xunetu l’eventu Bailla na plaza solidariu con Ucraína. Nél, van actuar los grupos folclóricos San Félix, Trebeyu y Escontra’l Raigañu; amás de les formaciones de música tradicional Abéu, Calea y Eva Tejedor & Les Pandereteres. El baille, la música y la solidaridá van enllenar la céntrica Plaza La Baragaña de Candás dende les 20h y tola recaudación qu’haiga nel eventu va donase a «la compra de comida que se destinará a les rexones más necesitaes d’Ucraína», como afirmen dende la organización Ayuda Humanitaria para Ucrania desde Asturies, collaboradora del eventu xunto col Ayuntamientu de Carreño.
