Del spoken word a la tradición pasando pel punk; esta ye l’axenda del fin de selmana

Buír, Vero Rubio, El Velcro, PVXARRA, María Trubia & Pau Santirso, David Varela, Lo Nueso y Trebeyu actúen nes ocho cites qu'hai hasta'l domingu

Eventos

Cangas del Narcea, Carreño, Mieres, Xixón, Uviéu y Teberga protagonicen l’axenda musical d’esti fin de selmana. Dientro de la programación destaca la XVII Selmana de las L.letras Asturianas de Cangas, na que toca Buír y David Varela y Lo Nueso homenaxeen a Lola’i Caballero, una de les grandes figures de la tradición oral del conceyu. Tamién actúen nes otres seis cites qu’hai Vero Rubio, El Velcro, PVXARRA, María Trubia & Pau Santirso; Trebeyu dan un taller de baille tradicional nel LABShop y el Concursu de Canción Asturiana «Ciudad de Oviedo» llega a les semifinales. Consulta la axenda completa equí: https://musicasturiana.com/axenda/lista/

VIENRES 22 DE MAYU

20:00 — Buír
Teatru Toreno (Cangas del Narcea)
Conciertu-presentación d’esta nueva formación integrada por Xosé Antón Ambás, Pepín de Muñalén y Vero Rubio.

SÁBADU 23 DE MAYU

13:30 — Vero Rubio
Fábrica d’Ortiz de Candás (Carreño)
La multiinstrumentista presenta Vou, un proyectu multidisciplinar que xune música, palabra ya imaxe.

20:00 — El Velcro
Festival Cervesía Cenera (Mieres)
Proyectu de spoken word electrónicu formáu por Pablo X. Suárez y Dudu García.

22:30 — PVXARRA
Lucy Club (Xixón)
Conciertu d’esti tríu qu’axunta punk, hardcore, drum&bass y electrónica.

DOMINGU 24 DE MAYU

12:00 — Homenaxe a Lola’i Caballero
Vegaimiedru (Cangas del Narcea)
Lo Nueso y David Varela faen homenaxe a una de les grandes figures de la tradición oral del conceyu.

12:00 — Concursu de Canción Asturiana «Ciudad de Oviedo» (finales)
Teatru Filarmónica (Uviéu)
El veteranu certame d’asturianada entra na fase final.

12:30 — Grupu Folklóricu Trebeyu
LABoral Centru d’Arte y Creación Industrial (Xixón)
Taller de baille asturianu nel LABShop.

13:00 — María Trubia y Pau Santirso
Taberna Narciso (Teberga)
Actuación d’estes dos figures claves del baille y la música tradicional.

Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu

Consulta la axenda completa equí: https://musicasturiana.com/axenda/lista/