L’últimu de selmana de xunetu llega cargada de cites imprescindibles pa la música asturiana. Avilés, Candás, Xixón, Grau, Parres o El Franco acueyen una programación na que destaquen los festivales intercélticos, les romeríes populares y les actuaciones de decenes de grupos y bandes de gaites que van poner banda sonora al branu per tol país.
El XXIX Festival Intercélticu d’Avilés, el Festival de Bandes de Gaites Villa de Candás, la Nueche Celta de Candás, la Nueche Celta de Granda, l’entamu de del XI Arcu Atlánticu col conciertu N’Alcordanza d’Ígor Medio y Carlos Redondo, el LXXIV Festival Folclóricu de La Peruyal o la XXIX Festa da Gaita, son dalgunes de les principales cites d’un fin de selmana con 15 eventos.
— XXIX Festival Intercélticu d’Avilés
Avilés
Ún de los principales escaparates del folk del país y del conxuntu del Arcu Atlánticu. Esti añu actúen Cuévano, Bandina Turcipié y la Bandina Los Muiles, Banda de Gaites Esbardu, Grupu Folclóricu Prau Llerón, Grupu Baille Esbardu y Mariluz Cristóbal Caunedo.
— XXIX Festival de Bandes de Gaites Villa de Candás
Candás
Los díes 23, 24 y 25 de xunetu celébrase’l XXIX Festival de Bandes de Gaites Villa de Candás. Nesta edición actúen la Banda Gaites Villaviciosa – El Gaitero, la Banda Gaites Candás, la Bandina d’Escolinos y otres formaciones invitaes.
— XI Festival Arcu Atlánticu
Xixón
Arranca la programación musical cola celebración el sábadu del conciertu N’Alcordanza. Nel restu del festival actuarán Rellume, Llau, L.lueñe, Picarós, Escontra’l Raigañu, Tsacianiegas y diverses agrupaciones folclóriques.
— Romería de Ciares
Campu de Fútbol La Cruz (Xixón)
El sábadu La Tarrancha, Guieldu, Rollu Folk y Pandereteres de Ciares ponen música n’asturianu a esti eventu que tien otres actividaes de vienres a domingu.
16:00 — Romería de Pando
Pando (Grau)
Actúen Otramiente, Pau Santirso y María Vázquez, Bandina Los Llerones, Bandina Los Mandiles y hai micro abiertu. Tamién hai talleres de Muyeres por Grau, Muyeres por Candamu, Muyeres por Salas y Asociación Vaqueiros d’Alzada de Belmonte.
23:00 — XIII Nueche Celta de Candás
Parque Les Conserveres (Candás)
Actúen Ca Beleño, Skama la Rede y los gallegos Ailá.
13:30 — XXIX Festa da Gaita
Área Recreativa As Pedreiras (Valdepares, El Franco)
Xornada de Gaiteiros Tradicionales del Occidente de Asturias, cola actuación de Gaiteiros y Agrupaciones Tradicionales.
16:00 — Conciertu N’Alcordanza d’Ígor Medio y Carlos Redondo
Plaza Mayor (Xixón)
Toquen les formaciones folk Felpeyu, Llan de Cubel y los gallegos Hermanos Castro; amás de los grupos de rock independiente Radio Fox, Kactus Jack y Jaguares de la Bahía.
21:00 — Eskalón
Tizón Sound (Xixón)
Grupu punk de Llaviana de xente mozo qu’interpreta cantares propios.
21:00 — LaGuinda
Chigre La Maléfica (L’Infiestu, Piloña)
Grupu astur-francés qu’entemez música asturiana con soníos llatinoamericanos y de la Islla de La Reunión. Actuación en formatu tríu.
11:00 — LXXIV Festival Folclóricu de La Peruyal
Parque de La Llera (Les Arriondes, Parres)
Na edición d’esti añu participen Les Ruxideres del Sueve, Banda de Gaites Picos de Europa, Banda de Gaites Los Tragos, Banda de Gaites El Gumial, Los Yerbatos y El Corriellu La Pandorga; amás de formaciones internacionales.
11:30 — Xeitu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
12:00 — Folixa Pola Paz
Muséu del Pueblu d’Asturies (Xixón)
Pau Santirso & María Vázquez y Soi Panderetera van poner a baillar a la xente col so repertoriu de música tradicional. L’actuación del dúu carbayón va ser a les 13:00 hores, mientres que’l grupu femenín toca a les 16:00.
18:30 — LaGuinda
Samartín (Teberga)
Grupu astur-francés qu’entemez música asturiana con soníos llatinoamericanos y de la Islla de La Reunión. Actuación en formatu tríu.
19:00 — XXVII Nueche Celta de Granda
Carbayera de Granda (Xixón)
Trebeyu, Herbamora y Abéu protagonicen esta mítica Nueche Celta xixonesa.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
