El 15 de febreru de 2022 finó con 17 años Samuel Koch Sánchez por mor de la carcinoma de Nut, un cáncer violentu y malpenes investigáu. Esti rapaz uvieín yera guitarrista y un apasionáu de la música y por eso esti domingu 2 d’ochobre nueve artistes asturianos van homenaxealo na Sala Tribeca d’Uviéu nun conciertu solidariu contra’l cáncer. A les 19h entama esti eventu nel que la música n’asturianu va sonar coles actuaciones de Dixebra y Rodrigo Cuevas y nel que tamién participen Delagua, Pablo Moro y Ivu Vudú, Akin and The Afrobeat Brothers, The Three Riders, Héctor Tuya, Alberto & García y Fe de Ratas.
La entrada tien un preciu de 20 euros y, gracies a que tolos artistes, sala y equipu técnicu collaboren desinteresadamente cola iniciativa, toles perres recaudaes van donase a l’asociación Galbán, que tien l’oxetivu de bregar escontra’l cáncer infantil.
Suscríbite a les nuestres novedaes
