El pasáu mes de marzu la Taberna Cuévano de La Pola Siero acoyó la primer jam session protagonizada por pandereta. Nesa xornada les pandereteres del conceyu y la contorna averáronse al chigre pa tocar xuntes y montar la so propia sesión, na que tuvieron acompañaes tamién por otros instrumentistes. La bona acoyida de la convocatoria fai qu’esti miércoles 19 de payares a les 21h vuelva entamase otra edición d’esta xuntanza.
L’actividá ta dientro del ciclu Los miércoles de la cultura qu’entama esti llocal. Esti mes, amás de la jam de panderetes, hubo una jam session folk la selmana pasada y va haber otra blues el miércoles 26. N’avientu la Taberna Cuévano va caltener l’axenda d’actividaes culturales tolos miércoles y a traviés de les sos redes sociales va dir dando anuncia d’ello.
Suscríbite a les nuestres novedaes
