Güei entama la 61 edición del Festival Interacional de Cine de Xixón (FICX) y nella la música asturiana tener espaciu con un documental na que ta presenta. Nesta ocasión trátase d’una pieza dedicada esclusivamente a ún de los grupos referenciales de la escena n’asturianu, Felpeyu. El próximu xueves 19 de payares a les 19h nel CMI de Pumarín proyéctase Felpeyu, faciendo historia a través de la música, un documental dirixíu por Pablo Campillo qu’a lo llargo de 96 minutos percuerre la trayectoria del míticu grupu folk. Les entraes tán ya a la venta.
Esta obra audiovisual nagua por ser una historia documental que recueya’l camín de la banda de folk asturianu dende los sos entamos hasta l’actualidá. Nél sorráyase la importancia de la banda na defensa de la identidá cultural asturiana y cómo dieron a conocer la llingua y la cultura asturianes coles sos actuaciones acullá de les fronteres d’Asturies. La película tien el sofitu de la Fundación Municipal de Cultura, Educación y Universidá Popular del Ayuntamientu de Xixón y proyéctase per vez primera nesti pernomáu festival de cine.
Suscríbite a les nuestres novedaes
