Del vienres 11 al domingu 13 de xunetu la capital del conceyu Grau va enllenase de música tradicional col eventu XII Folk in Grau. Nesta edición organizada pola Banda Gaites Conceyu Grau y l’Ayuntamientu de Grau la gaita ye la protagonista de la programación. Asina ye como’l vienres 11 va haber Xuntanza Moscona con música y baille peles places de la villa, el sábadu 12 de xunetu Festival de Bandas con desfile y conciertu de delles bandes de gaites y el domingu 13 son les Gaitas al mercáu, na que van actuar nesti popular espaciu de Grau.
El vienres la programación entama a les 20h y van participar la Banda Gaitas Conceyu Grau, Muyeres por Grau, la Banda de Gaitas Nova Era (Galicia) y Xerèmiers de Sóller (Mallorca). Tamién va haber una xuntanza peles places nes que cualquier persona con un instrumentu pue participar.
El sábadu a les 20h repiten les actuaciones na Plaza’l Mercáu y, amás, súmase la Banda Gaites La Laguna del Torollu a les actividaes. El domingu van volver a participar toles agrupaciones otra vuelta percorriendo les cais del mercáu dende les doce la mañana.
Suscríbite a les nuestres novedaes
