Esti domingu 15 de xunu a les 11.30h, va cellebrase nel Teatru Auditoriu de La Pola la tercer y última de les semifinales de del XIII Concursu de Canción Asturiana Conceyu de Siero. Dempués d’ella va aconceyar el xuráu pa ver los finalistes que van participar nes finales del 22 y 29 de xunu.
Nesta segunda semifinal van xubir al escenariu María del Carmen Fernández Álvarez (Cangas del Narcea), Marcelino Fernández García (Cantabria), Rubén Barredo Sánchez (Villaviciosa), Piedad García Guerra (Xixón), Manuel Sañudo Sainz (Cantabria), Javier Toral Fernández (Mieres del Camín), Raúl Díaz García (Samartín del Rei Aurelio), María Luisa Martínez Suárez (Xixón), Carlos Velasco Montes (Bimenes) y Lorena Corripio López (Colunga). Amás nes estayes de canción ayerana participen Piedad García Guerra y Carlos Velasco Montes; na de Canción dialogada María Luisa Martínez Suárez y Diego Pérez Sánchez, y na categoría moza Mario González García (Cabrales).
Pa esta edición inscribiéronse 42 persones dividíes en 27 na categoría absoluta masculina, 8 na femenina y 7 na de mocedá. Hai siete premios nes categoríes absolutes y premios nes modalidaes de canción, ayerana, vaqueira (Memorial Graciano Gutiérrez “Radio Pola”) y canción dialogada (Memorial Agustín Argüelles y Diamantina Rodríguez). La categoría moza ye una amuesa -lleven tola xente participante’l mesmu troféu, diploma y regalos- pero puntuable pal II Premiu Obdulia Álvarez ‘La Busdonga’ d’Asturianada, eventu pal que puntúa tamién el resto’l concursu. El 13 de xunetu va ser la gala de premios.
Suscríbite a les nuestres novedaes
