Esti domingu 8 de xunu a les 11.30h, va cellebrase nel Teatru Auditoriu de La Pola la segunda semifinal del XIII Concursu de Canción Asturiana Conceyu de Siero.
Nesta segunda semifinal van participar Corsino LLaneza Conde (Llangréu), Daniel Pérez García (Piloña), Abel Noriega Galguera (Llanes), Fernando García Nuño (Siero), Andrés Abad Guerra (Llanes), Valentín García Fernández (Grau), Diego pérez Sánchez (Siero), Manuel Roza Llera (Colunga) y Alicia Villanueva Megido (Bimenes). Na categoría moza, va participar Bárbara Riesco Gómez (Uviéu).
Alcordamos que pa esta edición inscribiéronse 42 persones dividíes en 27 na categoría absoluta masculina, 8 na femenina y 7 na de mocedá. Hai siete premios nes categoríes absolutes y premios nes modalidaes de canción, ayerana, vaqueira (Memorial Graciano Gutiérrez “Radio Pola”) y canción dialogada (Memorial Agustín Argüelles y Diamantina Rodríguez). La categoría moza ye una amuesa -lleven tola xente participante’l mesmu troféu, diploma y regalos- pero puntuable pal II Premiu Obdulia Álvarez ‘La Busdonga’ d’Asturianada. El 13 de xunetu va ser la gala de premios.
Suscríbite a les nuestres novedaes
