Yá puede sentise’l nuevu tema d’Ochobre: ‘Sélo’ ye’l primer single de ‘La Rabia nos dientes’, l’esperáu discu de la banda de punk rock. Va una semana dende que s’espublizase la portada, obra de Iago Datriga, quien fizo tamién tola renovación d’imaxe del grupu.
Pa esti primer single, cunten cola collaboración a la voz de Pitxe, figura referente del punk n’Asturies. Ye un tema con muncha enerxía, que denuncia una montonera de problemes de la sociedá actual.
Tres sentir la so participación en ‘Al son del Cantar, vol. II’, interpretando la composición del alumnáu del CRA L.lena ‘La pita l.lueza’, esta selmana podemos esfrutar d’esti primer single que dexa con ganes de sentir el restu del trabayu. Habrá qu’esperar al vienres 20 pa sentir el segundu single, que lleva por títulu ‘Los Naides’.
Suscríbite a les nuestres novedaes
