El domingu 4 de mayu entamó’l XIII Concursu de Canción Asturiana Conceyu de Siero, ún de los eventos institucionales más veteranos dedicaos a l’asturianada. Esti certame entamáu pol Ayuntamientu Siero, la so Fundación Municipal de Cultura y AFATRA (Asociación de Folclore Amigos de la Tradición) celébrase hasta’l 29 de xunu tolos domingos a les 11.30h nel Auditoriu CPI Llugones y nel Teatru Auditoriu de La Pola. Esti domingu celébrase la tercer xornada clasificatoria.
Na segunda xornada d’esti certame van participar un total de diez persones: Ángel Mirantes Viejo (Uviéu), Carlos Mier Mier (Cabrales), Rogelio Mier Mier (Cabrales), Daniel Pérez García (Piloña), Manuel López Menéndez Cangas del Narcea), Raúl Díaz García (Samartín del Rei Aurelio), Amalita Robles Borbolla (Llanes), Aquilino Fernández González (Llangréu) y Jairo Pérez García (Piloña) na categoría moza.
Pa esta edición inscribiéronse 42 persones dividíes en 27 na categoría absoluta masculina, 8 na femenina y 7 na de mocedá. Hai siete premios nes categoríes absolutes y premios nes modalidaes de canción, ayerana, vaqueira (memorial Graciano Gutiérrez “Radio Pola”) y canción dialogada (memorial Agustín Argüelles y Diamantina Rodríguez). La categoría moza ye amuesa -lleven toos el mesmu troféu, diploma y regalos- pero puntuable pal II Premiu Obdulia Álvarez ‘La Busdonga’ d’Asturianada.El 13 de xunetu va ser la gala de premios.
Suscríbite a les nuestres novedaes
