“Fervienza”, cuartu single del gaiteru Tever

¿Cómo pue resumise la vida d’una persona nun solu tema? Esi ye l’argumentu musical que pue vese ya sentise en Fervienza el cuartu single del gaiteru asturianu Tever. Un tema peremotivu onde la gaita ya’l pianu xuegen a ser la parte principal d’un diálogu onde la vida ya xeres vivíes pol propiu gaiteru apaecen como nuna xuntanza a compartir colos oyentes.

El tema más personal de Tever onde s’abre emocionalmente pa alcontrase colos sentimientos que pudo dir atopando a lo llargo de la so vida. Los entamos de la década de los 2010 foron percomplexos pal propiu gaiteru onde, por culpa d’enfermedaes, perdió a más de la metá de so familia nun marxen d’alredor de 6 años.

Esti tema musical ye una lliberación personal a tol dolor, rabia ya contención emocional acumulada nestos caberos años. Pue vese, ya sentise, como una autoterapia musical de choque pa poner n’orden la mecigaya de sentimientos alcontraos.

La gaita ya’l pianu son los instrumentos cimeros que se faen cargo de la mayor parte del diálogu musical ya podemos sentir, nes diferentes estayes del tema, el low whistle (flauta irlandesa), percusión de banda gaites, cuerdes como’l cello o la viola ya pa finar podemos sentir unes voces corales.  Ye un tema musical pa sentir, alcontrar les diferentes emociones que puea sentir el propiu oyente pa dexase llevar pel propiu recorríu personal de la so vida.

Dexa un comentariu

X