La música n’asturianu va restallar esti fin de selmana del suroccidente al centru del país. El sábadu 29 Degaña acueye’l II Festival Folk coles actuaciones de Burbús, Héctor y Leti y La Tarrancha. Los conciertos van ser nel campu de fútbol, son de baldre, entamen a les 22.30h y va haber zona d’acampada. Per otru llau, Xixón celebra’l domingu 30 la venticuatro edición de la mítica Nueche Celta de Granda. A les 21h arranca esti eventu nel que toquen el Grupu Folclóricu Trebeyu, Abéu, los escoseses Calum Stewart Trío y tamién La Tarrancha. Per último, el Festival Intercélticu d’Avilés y Comarca echa la traca final con un conciertu de Felpeyu‘l día 28 y otru de Los Berrones el sábadu 29, amás de los pasucais y actuaciones de distintes bandes de gaites asturianes, bretones, gallegues, escoses y mallorquines.
Suscríbite a les nuestres novedaes
