L’axenda musical d’esti fin de selmana llega con dos festivales bien destacaos y estremaos nes dos cuenques mineres centrales d’Asturies. En Llangréu celébrase’l Derrame Rock onde toquen Dixebra, Taragañu y Escuela de Odio y en Mieres ye l’Ochobre Folk con una programación bayurosa a lo llargo de trés díes. Amás Morcín acueye’l Seronda Fest nel qu’actúa Skontra y hai otros conciertos per Llaviana, Xixón, Llanes, Castrillón y Uviéu. Esti últimu ye nel marcu de l’Acampada pola Vivienda qu’hai na Plaza Escandalera y nella van tocar Ferla Megía y Ún de Grao.
18:00 — Derrame Rock en Llangréu
Talleres del Conde, La Felguera
Escuela de Odio ponen hardcore n’asturianu a esti festival, que s’allarga hasta’l sábadu 10 d’ochobre.
19:00 — Ochobre Folk en Mieres
Parque Xovellanos
Mieres acueye del 9 al 11 d’ochobre la XIII edición de Prau Llerón, una cita qu’axunta alcuentros, baille, talleres, desfiles, conciertos y más actividaes al rodiu la tradición.
22:00 — Ferla Megía y Ún de Grao n’Uviéu
Plaza la Escandalera
Actuación d’estos dos artistes na acampada d’Uviéu pola vivienda digna y accesible.
11:00 — Ochobre Folk en Mieres
Parque Xovellanos
Mieres acueye del 9 al 11 d’ochobre la XIII edición de Prau Llerón, una cita qu’axunta alcuentros, baille, talleres, desfiles, conciertos y más actividaes al rodiu la tradición.
12:00 — Bandina Osaka Expo de Jazz del Llar en Llaviana
Kioscu de la Música, avenida Arturo León, La Pola Llaviana
La bandina Osaka Expo significa fiesta, baille y allegría con unos arreglos curiaos pero calteniendo la esencia de la tradición asturiana.
19:30 — Derrame Rock en Llangréu
Talleres del Conde, La Felguera
Dixebra y Taragañu ponen rock y punk n’asturianu a esti festival.
20:30 — Rollu Folk en Xixón
Páramo Bar, cai Cabrales, 83
Rollu Folk crea sesiones de música asturiana onde’l públicu participa cantando, baillando o tocando.
21:30 — ‘Resollu’ en Llanes
La Talá, Llanes
La Banda Gaites Llacín interpreten el so discu nuevu, Resollu, nun conciertu perespecial nel que van participar los sesenta componentes d’esta formación xunto con una trentena de músicos y danzantes ente los que s’inclúin dalgunos de los nomes más destacaos del folk asturianu. Nesta cita tamién van tocar Felpeyu.
23:00 — Skontra en Morcín
La Foz
Skontra ye ún de los grupos n’activo más veteranos de la escena de rock n’Asturies. Formaos en Xixón en 2001, lleven tou esti tiempu faciendo punk-folk pero, en cuenta de beber de los sones celtes d’Escocia o Irlanda, ellos miren pa casa y componen les sos canciones partiendo de la tradición sonora asturiana.
11:30 — Xeitu n’Uviéu
Uviéu
Grupu de baille tradicional con más de venti años de carrera qu’amuesa una representación artísticu-escénica de la diversidá musical asturiana d’Oriente a Occidente.
11:45 — Ochobre Folk en Mieres
Parque Xovellanos
Mieres acueye del 9 al 11 d’ochobre la XIII edición de Prau Llerón, una cita qu’axunta alcuentros, baille, talleres, desfiles, conciertos y más actividaes al rodiu la tradición.
12:30 — Los Collaínos & Los Pelagatos en Castrillón
Piedrasblancas
Bandines de música tradicional asturiana.
Esta programación ta recopilada a partir de los datos publicaos na axenda de Musicasturiana.com, onde pue consultase más información, horarios actualizaos y llocalizaciones precises pa cada eventu
Consulta la axenda completa equí: https://musicasturiana.com/axenda/lista/
Suscríbite a les nuestres novedaes
