Esti domingu celebróse na Plaza Mayor de Xixón la entrega de premios de la 44ª edición del Concursu de Canción Asturiana «El Comercio», l’eventu decanu de l’asturianada. Lorena Corripio na categoría femenina y Isaac Sierra na masculina fueron los ganadores d’un certame nel que compitieron 40 participantes.
Na estaya femenina, Lorena Corripio López consiguió’l primer puestu y proclamóse ganadora del certame. El segundu puestu foi pa Cristina Sánchez, mentanto que Alicia Villanueva Megido quedó tercera. La clasificación completáronla Claudia Abad Bertólez, cuarta; Maribel Fernández Fernández, quinta; Agustina Rodríguez García, sexta, y Mónica Vega Ramos, séptima.
Pela so parte, na estaya masculina, el primer premiu foi pa Isaac Sierra Longo. Fernando Entrialgo consiguió’l segundu puestu y José Manuel González foi terceru. Nel restu la clasificación quedaron Aquilino Fernández, Ricardo Balmori, Armando Martínez y Diego Pérez, de la cuarta a la séptima posición, respectivamente.
Destaca tamién la categoría moza na Lucía Fernández y Mario González recibieron un premiu como reconocimientu a la so participación, por mor de que los menores nun entren a competir anque sí se-yos reconoz dientro de la muestra.
Suscríbite a les nuestres novedaes
