Arranca un fin de selmana que tien seis cites cola música’l país. La vuelta del XXXII Conciertu Pola Oficialidá coles actuaciones d’Herbamora, Alienda, Llevólu’l Sumiciu y Dixebra ye’l gran eventu que protagoniza’l fin de selmana. Tamién ta’l festival Xuntoiro, que va enllenar Castropol de cultura en gallego-asturiano y nel qu’actúen Susana Gudín, Mestura, Clandestías y Amarradizo. A él súmense otros cuatros nos que van sonar los sones de raigañu: el XI Filandón d’Avilés, el pieslle del Ciclu Folk de Cámara Ígor Medio de Xixón, el magüestu de Ciares con Rollu Folk y les Pandereteres de Ciares y un conciertu de 6 Riales nel CSA La Xusticia de Llangréu.
Tola información pue vese nesta imaxe, na Axenda de musicasturiana.com y nes distintes noticies publicaes.
Suscríbite a les nuestres novedaes
