Esti fin de selmana van cellebrase na Casa de la Cultura de Teverga les XI Xornaes de Patrimoniu Cultural, organizaes pol Ecomuséu La ponte, dientro del marcu del proyectu Culturality project. Esti añu, el títulu de les xornaes ye ‘Tejiendo en el Rural: patromonio Vivo, Artesanía y Sostenibilidad’. La música asturiana va tar presente el sábadu 27, a traviés de la ponencia a les 18.00h de Llorián García: ‘La nueche en danza como patrimoniu temporalmente autónomu’. Y pela nueche, na Colegiata de San Pedro, en La Plaza, a les 21.00h, tarán poniendo la so música Picarós, xunto a Pau Santirso y María Vázquez, que van entamar una nueche en danza a les 22.00h, con escenariu abiertu.
La programación d’estes xornaes entama el vienres 26 a les 17.30, y nella hai una montonera de charres, ponencies, debates, meses reondes y meses de trabayu, toes alrodiu la cultura tradicional, los oficios, nuevos proyectos pa la salvaguarda del mundiu rural ya’l so patrimoniu.
Tola información ta disponible nes redes sociales de Culturality Project y de Ecomuséu La Ponte, amás d’en esti cartelu:
Suscríbite a les nuestres novedaes
