José Manuel Tejedor va publicar un EP con siete temes, “Lluz”
El pernomáu gaiteru asturianu José Manuel Tejedor ta acabante d’anunciar que va asoleyar próximamente el so segundu trabayu en solitario, “Lluz“. Va tar formáu por siete pieces y, según anunció’l músicu nes sos redes sociales, va tar «enllenu de nueves melodíes y unos músicos y collaboradores ablucantes d’Euskadi, Irlanda y Asturies». Pa financiar l’álbum, Tejedor entama una campaña de crowdfunding na plataforma Verkami, daqué que califica como «una forma imprescindible pa seguir creando y compartiendo lo creao nestos tiempos que cuerren». L’oxetivu ye algamar 6.000 € en 40 díes y hai recompenses variaes que van dende los 7€ hasta los 150 €. Nelles s’inclúin tamién un pase backstage pal conciertu presentación del álbum que va ser el 14 de mayu nel Teatru Palacio Valdés d’Avilés.
