Güei, 25 de xineru, a les 19:30h, va celebrase’l conciertu del espectáculu collaborativu Celtic Odyssée dientro del Celtic Connections, nel Glasgow Royal Concert Hall. Jose Manuel Tejedor y Rubén Bada actúen nel proyeutu, que cunta pa esta ocasión con un total de 17 músicos y músiques procedentes de les ocho naciones celtes, lideraos por Ronan Le Bars y la so banda bretona.
Amás, Jose Manuel Tejedor actúa xunto a Finlay MacDonald Band esti sábadu 27 a les 20h na Strathclyde Suite del Glasgow Royal Concert Hall. Díes enantes de la so participación nel festival en xineru de 2023, reconocía l’«arguyu» que supón representar a Asturies nestos eventos d’abonda relevancia na industria musical y reclamaba la necesidá d’una mayor implicación de les instituciones públiques. Una participación más presente y diversa quiciabes pudiera ser vidable si esta petición se ficiere realidá.
Suscríbite a les nuestres novedaes
