El pasáu llunes 3 hebo un españíu nun edificiu nel barriu de La Villa de Mieres del Camín qu’agora mesmo tien un balance de 18 persones firíes, tres d’elles n’estáu grave. Ún de los firíos ye Kike Martínez, componente de la Banda Gaites Güestia del conceyu L.lena.
«Mandamos toles nuestres fuercies y ánimos al nuestru componente, compañeru y collaciu Kike Martínez. Tolos tus compañerosd e banda y socios de clases y fatigues deseámoste una pronta y completa recuperación. Que tou quede nun mal suañu y que dientro poco teamos dando guerra xuntos otra vuelta», manifestaron nes sos redes sociales esta agrupación l.leniza que tamién quixo esparder «el mensaxe d’ánimu a tolos miembros de la so familia y allegaos» asina como «al resto de firíos y afectaos pol sucesu».
Dende MUSICASTURIANA.COM sumámonos al deséu de la Banda Gaites Güestia y de toles entidaes y persones qu’estos díes tán amosando’l so sofitu, solidaridá y compromisu pa cola xente afectao pol incidente d’esti barriu popular.
Suscríbite a les nuestres novedaes
