L-R llancen N.O.S., el so esperáu segundu trabayu

La banda de post-folk-asturianu L-R ta acabantes d’asoleyar en CD y nes plataformes dixitales la so segunda referencia discográfica: N.O.S. Nesti trabayu, el dúu formáu por Leticia Baselgas y Rubén Bada afonda na so particular propuesta sonora dando como un resultáu un discu mui completu y cuidáu qu’ensin dulda ye ún de los grandes discos de la música asturiana de 2021.

Asina presenta’l grupu l’álbum

«Ye casi un camín qu’acaba; una llarga reflesión que fae la forma d’esti discu nel que punximos muncho amor y ciñu.

N.O.S. somos nós.
N.O.S. ye la nuestra forma d’ entender la música.
N.O.S. ye la nuestra forma de contar…
N.O.S. ye la nuestra voz.

Esperamos que vos preste y podáis, como ficimos nós, miravos bien al espeyu y atopar a la vuestra pantasma».

Comprar discu “N.O.S.” na tienda online y sentilu nes plataformes dixitales