L-R llancen un crowdfunding p’asoleyar ‘N.O.S.’ en vinilu

Tres llanzar el pasáu 25 de xunu’l discu ‘N.O.S.’ en CD y plataformes dixitales, L-R entamen agora una campaña de crowdfunding pa poder editar el so segundu trabayu en formatu vinilu. El plazu acaba’l 11 d’ochobre y la edición del vinilu ta prevista pa payares d’esti añu. Esti proyectu pue sofitase a traviés de la plataforma Verkami con cifres d’apoyu que van de los 20 euros a los 60 euros.

Dende L-R presenten asina la campaña:

«A lo llargo los últimos meses fuistis munchos y munches los que vos interesastis nesti formatu. Asina qu’esta campaña ta especialmente diseñada pa vosotros y vosotres. Por supuesto, tamién pa tola xente que quiera disfrutar de la nuestra música nesti formatu tan especial.

S esta campaña nun acaba con éxitu, la edición en vinilu nun sería posible, asina que la publicación de N.O.S en formatu vinilu ta dafechu nes vuestres manes.

Agradeceríamos enforma’l vuestru sofitu».

Merca na tienda online y sienti nes plataformes dixitales ‘N.O.S.’