El próximu sábadu 14 d’avientu a les 19:30h nel Teatru Riera de Villaviciosa, como ye yá tradición, la Banda de Gaites Villaviciosa -“El Gaiteru” celebra’l festival de navidá de la so escuela de música tradicional, nel que los escolinos y escolines de les modalidaes impartíes -gaita, tambor, acordión, pandereta, flauta trevesera de maera y baille tradicional- van dar amuesa del so trabayu desenvueltu mientres l’añu. Tamién se va faer entrega de les distinciones añales nes dos categoríes habituales: persona, entidá o asociación que s’estremara pol so sofitu incondicional a la banda, qu’anguaño va ser pa l’Atenéu Obreru de Villaviciosa; y la de la persona, entidá o asociación que s’estremara pola defensa y espardimientu de la cultura y música asturiana que nesti casu va pa la Fundación Belenos, entidá que lleva dende l’añu 1982 trabayando na divulgación ya investigación de la etnografía, arqueoloxía y otros munchos elementos de la cultura asturiana.
Suscríbite a les nuestres novedaes
