La Federación de la Música d’España recibió una subvención directa del Ministeriu de Cultura que va emplegar pa crear un Institutu de la Música. La nueva entidá funcionará como un organismu enfocáu a promocionar la industria musical n’España. Ente les acciones que van desendolcar son buscar estratexies de financiación, difusión estatal y internacional de la creación musical, llexislaciones clares que protexan al sector de manera igualitaria, amás de la creación d’un Observatoriu de la Música n’España a travies del qu’obtener datos y información cola qu’entender de manera precisa cómo furrula’l sector de la industria musical y cola que poder desendolcar planes específicos que favorezan tanto a organismos y empreses como a artistes.
Es_Música ye el nome col que se da a conocer la Federación de la Música d’España, una unión d’organizaciones, editoriales, empreses y sociedaes de xestión de derechos que pretende representar y promover intereses colectivos nel sector musical n’España. A traviés del contactu con alministraciones públiques quieren crear o reforzar el marcu lexislativu, fiscal, llaboral, formativu y de protección de la propiedá intelectual.
L’Institutu de la Música ye la primer entidá específica que pon en marcha Es_Música, y sigue’l modelu d’otres instituciones a nivel internacional, como’l CNM de Francia, el ARTS Council Englnad en Reinu Uníu o Initiative Musik n’Alemania.
Suscríbite a les nuestres novedaes
