L’Ayuntamientu de Xixón abre otru añu más la convocatoria pal proyectu pilotu Siente Xixón, dirixíu a llocales y asociaciones que quieran programar actividaes culturales nes sos instalaciones de tolos tipos d’espresiones artístiques (música, lliteratura, artes escéniques…) y desarrollaes con elementos analóxicos o dixitales en pequeñu formatu y en directo.
D’esta manera preténdese facilitar la difusión cultural en vivo na ciudá, que munches vegaes topeta cola problemática de llexislaciones ambigües y la falta d’acuerdu ente’l vecindariu y los llocales que programen estes actividaes. Ente los oxetivos propuestos tán da-y puxu a l’actividá artística, con especial interés no llocal, fomentar una educación cultural temprana que sofite l’interés pol arte, evaluar l’impactu na convivencia y apoyar unes contrataciones igualitaries ente llocales y artistes.
El plazu de presentación de solicitudes ta abiertu hasta’l llunes 16 de xineru, y estes han facese a traviés del rexistru ellectrónicu del Ayuntamientu. Les bases y la documentación pa la solicitú tán nesti enllaz: https://www.gijon.es/es/publicaciones/bases-siente-xixon-2022.
Suscríbite a les nuestres novedaes
