L’Asturies Hardcore vuelve a los escenarios esti sábadu

Esti sábadu 30 d’ochobre hai cita na sala Gong d’Uviéu colos soníos de l’Asturies hardcore. A les 21.30h y con una entrada de 10 € anticipada y 13 € na puerta van actuar la banda referencial del hardcore asturianu, Escuela de Odio, y una de les nueves formaciones d’esta escena n’Asturies, Desaniciu. Xunto a ellos tamién va tar el grupu harcore de Lleón Los Montañeros de Kentucky.

Escuela de Odio ye’l grupu más importante de la escena hardcore d’Asturies. Formada en 1993 en Llangréu, tienen 14 trabayos publicaos enllenos de punk, hardcore y unes lletres de denuncia social nes que realidá social asturiana y de les cuenques mineres ta bien presente. Himnos como “Asturies Arde!!!” o “Canciu de Llucha” sintiéronse per tol Estáu español y bona parte de Llatinoamérica gracies a la relevancia d’esta formación. Depués de 20 meses ensin pisar un escenariu por mor del andanciu, esti sábadu vuelven a facelo n’Uviéu.

Desaniciu ye ún de los nomes nuevos de la escena de rock en llingua asturiana. El grupu formóse en setiembre de 2019 y al añu siguiente asoleyó’l so primer álbum ‘Tapecer de Mio‘. Nél recueyen 10 temes de hardcore, crust y punk directu y combativu que faen que l’asturianu suene dientro d’unos xéneros musicales nos que nun suel tar presente.

Mercar discos de rock y punk n’asturianu na tienda online