Vuelve Luis Núñez con material nuevu n’asturianu, Dempués d’asoleyar en 2021 el discu Xanzaina y en 2022 l’álbum xunto a Susana Sela Viaxar con poco pesu, el músicu pop-rock presenta un nuevu cantar. Trátase de «Dunes del alma«, un tema con lletra de Susana Sela, producíu por Carlos Suárez y que ve la lluz acompañáu d’un videoclip realizáu por Marginalis. El single sigue l’estilu característicu d’esti músicu, ye l’adelantu del próximu álbum del artista que ta previsto que lu asoleye en 2025 -pel momentu va dir llanzando singles hasta compilar diez temes nun discu- y sirve tamién pa calecer l’ambiente con vistes al próximu conciertu que va dar xunto a Los Folganzanes: esti xueves 23 a les 19h nel Atenéu La Calzada de Xixón.
Suscríbite a les nuestres novedaes
