El músicu astur-americanu Michael Lee Wolfe (Ástura, Asturiana Mining Company, Lee Wolfe…) ta acabante d’asoleyar un trabayu nuevu, Town Of Pain. Ente los 9 temes inclúise ún dedicáu al míticu llocal carbayón Ca Beleño, zarráu dende va unos años pero que foi una auténtica «meca» del folk asturianu. El cantar ta n’inglés, pero’l so autor ufre la so traducción al asturianu pa musicasturiana.com.
Nun paga la pena metese
Col tíu Sam dende equí
Vamos dir al Ca Beleño
Mientres tenga les idees clares
Falar de los vieyos tiempos
Y beber la cerveza de Franky
Porque nun paga la pena metese
Col tíu Sam dende equí.
Nun paga la pena soñar
Con Nueva Orleans
Tocando música zydeco
Garrando millones de streams
Pero Franky va dexanos volver subir
A tocar delles canciones más
Porque nun paga la pena soñar
Con Nueva Orleans.
Asina qu’entaína, soldáu
La guerra ta cásique finada
Perdímosla
Pero, inda tamos paraos equí
Con una guitarra y un violín
Un banjo y un acordión
La música suena bien
En tonu melancónicu
Galway, Nashville, Glasgow y Asheville
Les jigues y les polques, los reels y los blues
Beleño
Nun paga la pena finxir
Nun te tas faciendo vieyu
Les ruedes dexaron de xirar
Y el to cuerpu ta enfrescando
Franky caltiénlo caldo y afayaízo
Y tu-y prestes, dixéronme
Pero nun paga la pena finxir
Nun te tas faciendo vieyu.
Suscríbite a les nuestres novedaes
