El pasáu domingu 29 de xineru tuvo llugar nel Auditoriu Teodoro Cuesta de Mieres el XXXIV Memorial Silvino Argüelles. Les diez meyores voces del añu, escoyíes pol xuráu, xunto al gaiteru Iván Rionda y el pianista Xaime Arias rindieron homenaxe al perconocíu intérprete de tonada de la Güeria San Xuan. Nel escenariu sintiéronse les voces d’Álvaro Fernández Conde, Esteban Verdeja, Isaac Sierra Longo, Belén Arboleya, Lorena Corripio, Luisi Martínez, Maribel González Morán, Cristina Sánchez, Liliana Castañón, y Sandra Álvarez. El gaiteru Alfonso Fernández foi premiáu como meyor gaiteru acompañante, y Narciso Fernández Arduengo llevó la «Gaita Real», distinción cola qu’el memorial quiso reconoce-y la so trayectoria como intérprete y promotor de concursos.
L’eventu tuvo presentáu por Alberto Cienfuegos, y foi retransmitíu por YouTube, onde tovía ta disponible nel canal del Ayuntamientu de Mieres:
Suscríbite a les nuestres novedaes
