Tres d’asoleyar apocayá una playlist en Spotify que compila un cantar de caduna de les referencies que musicasturiana.com alministra nes plataformes dixitales, esti portal especializáu en música n’asturianu y gallego-asturianu actualiza la so canal de YouTube. Nesti espaciu, que tien agora mesmo más de 3.400 suscriptores, pueden vese los conciertos y videos d’Amosando, los conteníos audiovisuales del AMCA (Archivu de la Música Contemporánea Asturiana), les novedaes y videoclips oficiales de la música n’asturianu y entrevistes colos sos protagonistes.
Como novedá, la canal acaba d’incluyir una muestra bien bayurosa de discos del catálogu qu’alministra musicasturiana.com en formatu dixital, organizaos en llistes de reproducción por estilos folk, rock y asturianada. Nellos inclúise una breve descripción pa quien nun conozan dalgún grupu o dalguna referencia en concretu. Musicasturiana.com quier seguir siendo’l portal de referencia pa la música’l país, por eso actualizamos los nuestros conteníos, colos materiales más recientes y tamién colo que recuperamos y dixitalizamos, poniéndolo a disposición del públicu pa que lo pueda sentir dende cualesquier requexu del planeta.
Suscríbite a les nuestres novedaes
