La Casa de Cultura Marqués de Vistalegre de L’Infiestu va acoyer esti xueves 15 d’ochobre, a les 19:30 hores, un homenaxe a María Rosa Quero García, conocida como «La Pastorina», coincidiendo cola presentación del VII Concursu de Canción Asturiana «Villa de la Avellana» . La cita va reconocer la trayectoria d’una de les voces más reconocibles de l’asturianada.
Nacida en Cirieñu, nel conceyu d’Amieva, en 1950, «La Pastorina» dexó buelga nel repertoriu popular asturianu con cantares como Asturianos emigrantes, Romanza de la pastora y Voy a la villa de Llanes. La so voz, venceyada tamién al trabayu del gaiteru José Remis Ovalle, contribuyó a esparder la canción asturiana más allá del territoriu, especialmente ente les comunidaes d’emigrantes.
L’actu va cuntar cola participación d’Ángeles Quero, Vicente Díaz, Lorena Corripio, Avelino Fdez. Corte, Fernando Fdez. Arduengo, Lolo Cabranes y Vicente Prado «El Pravianu», según anuncia’l cartelu del eventu. La convocatoria va xuntar asina a distintes figures venceyaes a la tonada y a la música popular asturiana.
L’homenaxe va sirvir tamién pa dar a conocer la nueva edición del Concursu de Canción Asturiana «Villa de la Avellana«, una iniciativa que busca caltener viva la tradición vocal del país y dar continuidá a una de les espresiones más representatives del patrimoniu musical asturianu.
Suscríbite a les nuestres novedaes
