La Conceyalía de Cultura y Educación de Xixón entama’l sábadu 22 d’abril la quinta edición del concursu Xixón Fala en 3. Esta competición consiste en presentar un tema, una idea, una investigación, un proyeutu, un problema social, etc. énte un públicu non especializao, xeneralista y variao. Los temes a tratar divídense en tres estayes: los venceyaos a la cultura y la realidá asturiana -dientro de los qu’entra los rellacionaos cola música asturiana-; temes de divulgación non venceyaos únicamente a Asturies; y otra categoría pa persones d’ente 14 a 18 años na qu’entren les dos anteriores estayes.
En cada estaya va haber tres premios -de 600 €, 275 €y 125 €- y el xueves 13 d’abril a les 00h remata’l plazu pa inscribise nesti concursu presentando la solicitú a traviés del rexistru electrónicu del Ayuntamientu de Xixón. La xornada va ser nel Salón d’Actos del Centru de Cultura Antiguu Institutu y va tar amenizada por un conciertu d’Ún de Grao. Les bases completes pueden consultase nesti documentu.
Suscríbite a les nuestres novedaes
