La Conseyería de Cultura, Política Llingüística y Deporte ta acabante de convocar una nueva edición del Premiu Camaretá al Meyor Cantar. Del 5 de marzu al 3 d’abril ta abiertu plazu pa presentar propuestes al ‘Camaretá’. –
El Premiu Camaretá reconoz tolos años con 6.000€ un cantar de cualesquier xéneru con lletra orixinal escrita n’asturianu o gallego-asturianu, tengan o non una melodía de composición propia. Xunto a ello, entrégase un troféu y accédese a la producción d’un videoclip pal cantar que gane. Pueden presentase mesmo artistes solistes que grupos, faciendo constar l’autoría del testu.
Les propuestes finalistes van actuar en directo nuna gala pública y retresmitida na RTPA, defendiendo’l so tema seleccionáu. Amás na gala mentada, va haber un conciertu del ganador de la edición anterior, que nesti casu correspuende a Ferla Megía. Pueden consultase les bases na resolución del BOPA.
Suscríbite a les nuestres novedaes
