Rodrigo Cuevas y Llevólu’l Sumiciu actúen esti fin de selmana nel Prestoso Fest de Cangas

Esti xueves entama la sesta edición nueva del Prestoso Fest, festival de música independiente que se fai nel entornu rural del suroccidente asturianu. Las Barzaniel.las, en Cangas del Narcea, ye’l llugar escoyíu esti añu pola organización tres de facer les anteriores ediciones en Xedré. Como novedá, destaca l’apuesta esti añu pola música n’asturianu, coles actuaciones del dúu d’electrónica de raigañu Llevólu’l Sumiciu, el xueves 3 d’agostu a les 00.45h y con entrada de baldre, y de Rodrigo Cuevas -que va dar nesti eventu el so únicu conciertu del branu n’Asturies-, el vienres 4 d’agostu. Tamién actúen a les 21h del xueves Viuda, grupu que tien el tema n’asturianu Alleraná.