La diversidá marca l’axenda dende esti vienres al domingu, na que va haber conferencies, estrenos d’espectáculos, Nueche en Danza, conciertos y proyecciones musicaes. El fin de selmana arranca’l vienres 14 a les 19.30h en Xixón cola ponencia de Llorián García El Nuevu Canciu Astur: los pioneros de la nueva música asturiana en compañía de Carlos Rubiera al pianu. Esi mesmu día el tríu folk Llau va actuar na Taberna El Cuévano de La Pola Siero, a les 21.30h y de baldre.
El sábadu 15 reabre La Benéfica de Piloña col so Antroxu en Danza. Dende les 10h de la mañana va haber mazcaraes, xinta popular, desfile, premios, taller de baille de Santi Galguera y una Nueche en Danza na que participa la bandina Los Muiles entre otres agrupaciones. A les 18.30h el Pozu Santa Bárbara Mieres acueye l’estrenu de Working Class, l’espectáculu nuevu de Mapi Quintana y Rubén Banda qu’agotó entraes en 5 minutos. La programación d’esi día complétase con un conciertu del cuartetu bal-folk La Bonturné na Casa la Cultura de Grau, a les 19.30h y con entrada llibre.
Pa completar estes cites tan estremaes, el domingu 16 L-R van poner van poner la so propia banda sonora en directo a la película Volver a empezar de José Luis Garci. Ye a les 19h nel Teatru Campoamor dientro del festival del audiovisual SACO.
Tola programación d’equí a los próximos meses pue vese na Axenda de Musicasturiana.com.
Suscríbite a les nuestres novedaes
