Dende va un tiempu la fundación Almastur que dirixe Carlos Rubiera ta entamando’l ciclu Los vienres con Almastur, nel qu’una vegada al mes hai una conferencia dedicada a aspectos estremaos de la cultura’l país. Esti vienres 14 la música asturiana va ser la protagonista cola charra El nuevu canciu astur: los pioneros de la nueva música asturiana qu’imparte’l musicólogu y gaiteru Llorián García.
Dende la organización comenten que, amás de la ponencia, va haber «entemedios musicales y poéticos en vivo alusivos al tema» a cargu del cantautor y escritor Carlos Rubiera, una de les figures claves del movimientu musical del que va falar García. L’actividá va ser na sala Almastur (Caldones) de 20h a 21.30h y n’acabando va haber un coloquiu y pinchéu-espicha nel Llagar de Garbelles. El donativu a la fundación pola actividá ye de 20 euros y esti xueves 13 remata’l plazu p’apuntase escribiendo a carlosrubieratuya@gmail.com.
Suscríbite a les nuestres novedaes
