Semeyes de la edición 2023 de Folixa na Primavera
El fin de selmana Mieres acoyó otra edición de la Folixa na Primavera, cita imprescindible cola cultura asturiana qu’axuntó tonada, baille tradicional, música coral, rock n’asturianu, folk celta, electrónica de raigañu, bandes de gaites, bandines y cantares de chigre. Too ello acompañao d’otres actividaes pa un públicu de toles edaes nes que la sidra, la gastronomía y la cultura’l país son el puntu d’alcuentru. El fotógrafu mierense Pablo Fernández fizo semeyes de dellos de los momentos de la folixa.
El pregón diolu Jorge Areces, profesor de gaita y director de la Banda Gaites Villa de Mieres y l’alcalde de Mieres, Aníbal Vázquez, entregó’l gallardón Fini Suárez a la Nueche en Danza. los exitosos eventos que dende 2015 tán algamando axuntar a una montonera xente del folclore alredor d’estos escenarios abiertos nos que la música y el baille tradicional son les protagonistes.
Algaire xugaron en casa dando un conciertu per especial nel que collaboraron los artistes Eva Tejedor, Silvia Quesada, Alfredo González, David Varela, José Manuel Tejedor.
El sábadu Llan de Cubel presentaron el so discu La Lluz Encesa y repasaron los sos cuasi 40 años trayectoria dedicada al folk celta asturianu.
Dixebra zarraron la nueche descargando’l so rock entemecíu con punk, ska, metal, rap, folk y enllenu de rabia y reivindicación.
*Semeyes de los conciertos por Pablo Fernández.
