Semeyes del conciertu de Corquiéu nel 42 Festival Intercéltico do Morrazo

Esti vienres pasáu Corquiéu representaron a la música asturiana nún de los eventos de música tradicional con más sonadía de Galicia, el Festival Intercéltico do Morrazo, qu’aportó anguaño a la 42 edición. Los destacaos nomes nuevos de la música gallega como De Ninghures y Mondra y los irlandeses Flook compartieron escenariu cola mítica formación folk de Ribeseya, que cede MUSICASTURIANA.COM estes semeyes realizaes por Diego Seixo. «Un festival prestosísimu nel que nos trataron dende la organización hasta’l públicu d’una manera maraviyosa, baillando y disfrutando de cada pieza», valora Pol Balmori, componente de Corquéi sobre la so participación nesti eventu internacional.