Esti puente d’antroxu aporta con cinco eventos dende esti vienres hasta’l martes que se concentren na zona central d’Asturies. Hai certámenes, presentaciones de discos y espectáculos. Tola información actualizada na Axenda de Musicasturiana.com.
XIX Certamen Cancios de Chigre en Siero
La Pola Siero (Siero) | 21:00
Un certame que busca recuperar l’espíritu de les tertulies musicales alredor de la sidra y la canción popular nel centru de La Pola.
Ferla Megía n’Uviéu
Puru Remangu, C. del Postigu Baxu, 1 (Uviéu) | 13:00
Ferla Megía presenta’l vinilu de ‘Páxaros 01’ y ‘Páxaros 02’ con un showcase nel que va tar acompañáu de Tania Pereira y Rita Ojangueren.
XIV Concursu de Canción Asturiana Conceyu Siero (eliminatories)
CPI Llugones, C. de Leopoldo Lugones, 31 (Siero) | 11:30
Continúen les eliminatories d’esta veterana competición d’asturianada que se celebra tolos domingos hasta abril nel Auditoriu del CPI Llugones y nel Teatru Auditoriu de La Pola.
David Varela en Quirós
La Pimpana, Las Agüeras (Quirós) | 17:30
La Pimpana de Quirós zarra la so programación d’Antroxu con un eventu de Cantares de Chigre & Frixuelada que va tener a David Varela como maestru de ceremonies.
Xiranda Brass Band
Casa de Cultura de Posada, Av. Prudencio González, 10, Posada (Llanera) | 18:30
Xiranda Brass Band ye una banda de música de cai qu’amiesta metales, percusión y gaites.
Suscríbite a les nuestres novedaes
