La educación pública ta en llucha estos díes y el rock astur vuelve a tar ehí pa solidarizase a los movimientos populares. Nesti casu ye Skama la Rede quien ta acabante de llanzar ‘Escuela Asturiana‘ un cantar «en defensa de la educación pública y más nestes selmanes de movilizaciones de los y les trabayadores». El single ye l’adelantu del so próximu trabayu que va ver la lluz dempués del branu en formatu vinilu con llibru incluyíu.
La lletra d’esti tema ye de David Artime ‘Roxu’, tien la collaboración nos coros d’Einar, Jare, Ager, Selmo, Nel, Anzu, Quila, Nora, Xana, Ángela y Celia y foi grabáu, mezcláu y masterizáu en Tutu Estudios cola producción musical de Sergio Rodríguez. Pel momentu, namás ta disponible en Youtube anque en díes vinientes yá va tar n’otres plataformes como Spotify.
Suscríbite a les nuestres novedaes
