El pasáu mayu tuvo llugar Galanura, el V Festival d’Indumentaria de Zamora, nel que’l Grupu Etnográficu L’Oriente participó amosando’l so trabayu sobre la indumentaria del oriente asturianu dende mediaos del sieglu XIX, tituláu De Picos d’Europa a la marina de Llanes. Indumentaria tradicional y representativa del oriente d’Asturies. Ellí falaron de los traxes d’aldeana y porruanu, desplicando la so evolución y el so reconocimientu como BIC. Xunto al grupu, dirixíu pol investigador y músicu Santi Galguera, collaboraron el taller d’indumentaria de Gloria Naves y el Muséu Etnográficu del Oriente d’Asturies.
La participación entama con una presentación por parte de Patricia Melero y Aurelio Vélez, seguía de la participación del colectivu asturianu, con una pasarela na que Santi Galguera desplica los diferentes traxes en relación a les sos funciones, elementos y distribución xeográfica a lo llargo de la hestoria. Dellos exemplos de baille y música del oriente d’Asturies tamién formaron parte d’esti documentu que yá ta disponible na canal de YouTube del festival.
Suscríbite a les nuestres novedaes
