«Gran alcuentru de bandurrieros». Con estes pallabres preséntase Bandurrabiel, un eventu que nagua por axuntar n’Asturies a tolos y toles intérpretes de bandurria o rabel y qu’esti sábadu 24 llega a la so segunda edición. Dende les 12.15h la mañana el Hotel Rural Casa Lao de Soto (Sobrescobiu) acueye una cita que va durar hasta les ocho la tarde con una pausa pa la xinta. Nesta ocasión, Bandurrabiel va homenaxear a ‘Javierín’.
Quien quiera participar pue apuntase llamando al teléfonu 684 623 584 y los únicos requisitos son que tien qu’haber «polo menos un rabel o bandurria por tema»; que pueden tocase «dos o tres temes que nun pasen de diez minutos en total», que «los instrumentos s’afinen enantes de xubir a tocar» y que «nun s’almiten partitures nin atriles».
Suscríbite a les nuestres novedaes
