Sorteamos el llibru + CD de 1996 ‘Llingua y Rock’

En 1996 el cantante de Dixebra y responsable de Discos L’Aguañaz, Xune Elipe, publicaba’l primer llibru dedicáu dafechu a la historia del rock n’asturianu: ‘Llingua y Rock’. Esti trabayu venía tamién acompañáu del CD ‘Sáca-yos la llingua‘, que compila 17 cantares de rock, punk, pop-rock y hardcore n’asturianu de formaciones d’aquel tiempu como Karne Antisocial, Güextia, Puxarra o Intolerance. El llibru -editáu nel so día por AYDA (Alfabetización y Deprendimientu del Asturianu- ta escosáu dende va años, pero gracies a la donación de Xelu Estébanez d’Asturtralla podemos sortear agora un exemplar de la segunda edición d’esti ensayu -qu’inclúi un prólogu d’Adolfo Camilo Díaz y un anexu dedicáu a los 10 primeros años de Dixebra-. El sortéu ta llendáu a socios y socies de musicasturiana.com y, si quier participar dalguna persona qu’entá lo seya, pue asociase equí enantes del viernes 12 de payares, día que vamos dar el nome de la persona ganadora.

Sentir ‘Sáca-yos la llingua’ nes plataformes dixitales