Ún de Grao publica nuevos videos en directo

Ún de Grao ye una de les nueves voces de la tonada. Tres d’esti proyectu ta un veteranu de la música tradicional asturiana, José Martínez Álvarez, guitarrista y cantante que tocó en grupos como Cuchu, Corzobeyos, Duerna, La Bandina’l Bache y Dobra. En 2018 asoleyó’l so primer discu de llarga duración ‘Pelo Segao’ y, mentanto nun publica material nuevo -previsto pa esti 2022-, llanza unos nuevos videos en directo.

El primer d’ellos ye la interpretación del cantar “Onde yo me puea dir” nel Festival de Tonada de Mieres el 23 d’ochobre de 2021. Nél, cunta cola collaboración de Xaime Arias al pianu. L’otru, recueye la participación del músicu moscón nel programa de la TPA De Romandela en 2019 y nél interpreta “Viva Grau“, pieza tovía inédita qu’Ún de Grao va grabar próximamente.

Mercar discos d’Ún de Grao na tienda online