Esti miércoles 5 de xunetu, a les 11.15h de la mañana, na Plaza Mayor de Xixón va haber una rueda de prensa conxunta ente les persones promotores del manifiestu «Música n’asturianu SÍ» y dalgunes de les entidaes que tamién rechazaron la selmana pasada les declaraciones de Vox de nun querer programar música n’asturianu en Xixón: Sociedad Cultural Gijonesa, Caja Músicos, Asociación Grana, Sociedad Cultural Gesto y Atenéu Obreru. Amás va respondese a les últimes declaraciones manifiestaes dende l’Ayuntamientu de Xixón.
Algamáronse miles de firmes de dientro y fuera d’Asturies de músicos, grupos d’estilos musicales mui diversos, orquestes, agrupaciones de baille tradicional, bandes de gaites, intérpretes de tonada, centros asturianos, empreses diverses rellacionaes cola industria musical, festivales, comisiones de fiestes, periodistes y medios de comunicación musicales, docentes n’escueles musicales y nel conservatoriu, investigadores y profesores de varies universidaes, etnógrafos, escritores de lletres de canciones, xestores culturales, actores de videoclips, realizadores audiovisuales, sales y bares nos qu’hai conciertos… y un llargu etcétera que reflexa la importancia que tien el sector musical a nivel social, cultural y, por supuesto, económicu.
Suscríbite a les nuestres novedaes
