Oriente y occidente protagonicen l’axenda musical esti fin de selmana

Arranca un fin de selmana nel que la música asturiana va sonar en conceyos estremaos del país. Protagonicen l’axenda el Mercáu Celta de Les Arriondes con música folk y bandines, y los conciertos en dellos eventos del occidente como la Noite Celta d’A Veiga y el XXII Festival de la Sidra Villa de Navia. Esti ye’l resume de tola programación:

Mercáu Celta de Les Arriondes

El Parque La Llera, nel conceyu de Parres, acueye una nueva edición del Mercáu Celta de Les Arriondes dende’l vienres 9 hasta’l domingu 11 cola siguiente programación de música asturiana (amás d’otres actividaes):

Vienres 9:

• 12h: Bandina de la B.G. Conceyu de Parres.
• 18h: La Garrapiella anima’l mercáu.
• 21.30h: conciertu de La Garrapiella.

Sábadu 10:

• 12h: Los Muiles.
• 18h: Bandina de la B.G. Conceyu de Parres.
• 21.30h: Baxel.

Domingu 11

• 12h: Los Gascones.
• 18h: Bandina de la B.G. Conceyu de Parres.

Súbite a la tenobiera en Piloña

L’eventu de cultura y xaréu nel horru aporta a Espinaréu (Piloña) esti sábadu 10 con visites guiaes, teatru, talleres y la siguiente programación de música asturiana:

• 12h y 17h: Los Gascones.
• 19h: Susana Gudín col espectáculu Suañando cantares.

Más conciertos nel oriente

• Domingu 11 a les 13h en Cabranes: Bimenes Underprau.

Eventos nel occidente

• Sábadu 10 dende les 18h na Noite Celta d’A Veiga: Bandina Los Collaínos.
• Sábadu 10 a les 21.15h nel Festival de la Sidra Villa de Navia: Felpeyu.
• Domingu 11 a les 18h en Grandas de Salime: La Garrapiella.

Otros conciertos

• Vienres 9 a les 20h n’Uviéu: Eva Tejedor & Les Pandereteres.

Mercar discos folk, celta y de gaita na tienda online